اولا احب اكلم معاكم المرة دى باللغة العامية وطبعا مع كامل احترامي للغتنا العربية الفصحى بس كل ما في الموضوع حبيت اقربلكم اكتر واكتر خصوصا ان الموضوع اللي هاكلمكم فيه عندنا كلنا .... يعني مثلا نلاقي ناس بتحب ناس وناس تكره ناس
وطبعا دى العادي طب اللي مش عادي ايه؟؟؟؟ بص يا سيدي الفاضل لما تلاقي ناس بتحب ناس ومن جواهم الكراهية بالكيل وعلى كل لون وكمان تفانيين الخداع والملاوعة.... لأ ومش كدة وبس دة فن الأستهانة بمشاعر اللي قدامك موجود وبكثرة ايوة بجد ...عارف يعني ايه تقوله لفلان
مش قلت على علان كذا وكذا ..... حقيقي محصلش بشرفي وشرف المهنة وشرفنطح وشرف فتح الباب ويجيبلك كل انواع الشرف اللي تقريبا بيسمع عنه بس والمضحك ان ممكن يحصل بالعكس وتلاقي علان هو اللي بيكلم على فلان تبقى الحكاية
في مهب الريح وانت يا غلبان مش عارف تحكم بين اتنين
بيعشقوا الضحك على الدقون...
يبقى انت تقدر تحكم بمعيارين ايه هما ::
: 1- معيـــــــــــــــــــــار الحساب والمنطق
2- معيــــــــــار الرجولــــــــة
يعني لا المنطق ولا الحسابات تقبل انك تصدق حاجة ماينفعش انها تتصدق على اي وجه ولا على اي شكل و كمان معيار الرجولة وهو الأهم كمان لان ببساطة بحسبها كدة لو الدنيا كلها قالت اه عمل وسوى وانت قلت لأ ..صدقتك وتبقى خلصت يبقى مافيش داعي للمهاترات ..........يبقى المعيارين دول يقدروا يفكوا اي كارثة ممكن تقع او حد يوقعك فيها يبقى خلي بالك من نفسك وماتبيعهاش بالرخيص ولا بالغالي كمان لانها مالهاش تمن يا صاحبي مش كدة ولا اييييه؟
,,,,,,,,,,,,,,,,وشكرا ,,,,,,,,,,,,,,,,,,,,,,,
الجمعة سبتمبر 18, 2009 3:26 am
