اوراق مصرية
اهلا عزيزى الزائر فى منتدى اوراق مصرية للتاريخ
تفضل بتسجيل نفسك معنا حتى تفيدنا وتستفيد
اوراق مصرية
اهلا عزيزى الزائر فى منتدى اوراق مصرية للتاريخ
تفضل بتسجيل نفسك معنا حتى تفيدنا وتستفيد
اوراق مصرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى اوراق مصريه التاريخى
 
الرئيسيةالبوابةأحدث الصورالتسجيلدخول
لطلاب الصف الاول الثانوى بادر بحجز مكانك فى مجموعات الثانويه العامه للاوائل فقط

 

 تعرف تعيش فيها بألف جنيه ؟؟؟؟؟؟؟؟؟

اذهب الى الأسفل 
+3
elghazaly
الطائره الجريحه
عاشقة بلاد الدهب
7 مشترك
كاتب الموضوعرسالة
عاشقة بلاد الدهب

عاشقة بلاد الدهب


عدد المساهمات : 66
السٌّمعَة : 26
تاريخ التسجيل : 31/10/2009

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأحد نوفمبر 01, 2009 1:46 pm

لو شاطر .. تعرف تعيش فى مصر بـ 1000 جنيه فى الشهر

حقيقى تبقي انت اكيد اكيد في مصر لو عشت بالمبلغ ده....
بيان المصروف اليومى والشهرى
- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )

- حليب : 4 جنيه يومياً = 120 جنيه شهرياً
( عدد واحد لتر يومياً ويارب ميطلعش بودرة سيراميك ويكفى العيال )

- فول : 8 جنيه إسبوعياً = 32 جنيه شهرياً
( كيلو فول اسبوعيا يعنى 125 جرام يوميا رضا والحمد لله )

- جبنة بيضاء : 20 جنيه إسبوعياً= 80 جنيه شهرياً
( كيلو في الأسبوع 125 جرام يوميا انت عايش )

- بيض : 5 جنيه إسبوعياً= 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )

- خضار :10 جنيه إسبوعياً= 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )

- فاكهه : 5 جنيه إسبوعياً= 20 جنيه شهرياً
( عبارة عن كيلو برتقال أو قشر موز مرة أس! بوعيا عشان العيال تفتكر إسمه )

- شاى : 10 جنيه شهرياً
( لزوم الكيف اللى بيذل والضيوف الرزلين )

-سكر: 4 جنيه إسبوعياً= 16 جنيه شهرياً
(عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )

- أرز : 4 جنيه إسبوعياً= 16 جنيه شهرياً
( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )

- زيت طعام : 10 جنيه إسبوعياً= 40 جنيه شهرياً
( لتر اسبوعيا علشان تشرب بق على الريق يزيت معدتك ويستعمل كبديل للخضروات )

- مكرونة : 8 جنيه إسبوعياً= 32 جنيه شهرياً
( عبارة عن عدد 4 كيس 400 جرام أسبوعيا .. خلى العيال تنبسط )

- دجاج : 20 جنيه إسبوعياً= 80 جنيه شهرياً
( عدد واحد دجاجة أسبوعيا للعائله .. أظن معقول )

- لحم : 30 جنيه إسبوعياً= 120 جنيه شهرياً
( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )
- بقوليات : 10 جنيه شهرياً
( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )

- توابل : 10 جنيه شهرياً
( عبارة عن دقيق + ملح + كمون + فلفل + كسبرة + وممكن تديها خل براحتك )

- صابون : 15 جنيه ش هرياً
( عبارة عن صابونه واحدة للحمام + صابون مواعين + مسحوق للملابس ( النظافة عموما )

- مواصلات : 2 جنيه يومياً= 60 جنيه شهرياً
( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )

- حلاق : 10 جنيه شهرياً
( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونهاللى هتحلق بيها دقنك ( نعيما ياباشا )

- مصروفات مدرسية : 10 جنيه إسبوعياً= 40 جنيه شهرياً
( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )

- دكتور : 30 جنيه شهرياً
نمرض بالدور طبعا .. عدد أربعة أفراد

مرة واحدة للفرد كل 4 اشهر وربنا يستر

- أدوية : 50 جنيه شهرياً
( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

- فاتورة التليفون : 10 جنيه شهرياً
( اشتراك الهيئة فقط .. هنرد بس ومش هنتكلم .. ماعدش ينفع كلام )

- فاتورة المياه : 10 جنيه شهرياً
( للأسف ده لو فلوسك على أدك ويبقى لازم تشرب مياه ملوثة بالمجارى )

- فاتورة الغاز : 5 جنيه شهرياً
( الحمد ل! له .. غاز طبيعى .. الله يكون فى عون اللى عنده أنابيب (10 جنيه للأنبوبة ) وممكن تطلع فاضية )

- فاتورة الكهرباء : 20 جنيه شهرياً
( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )

- قمامة : 10 جنيه شهرياً
( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )

- بواب : 15 جنيه شهرياً
( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )

- صيانة : 30 جنيه شهرياً
( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )

- ملابس : 100 جنيه شهرياً
( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

------------ --------- --------- --------- ---
الإجمـالى : 1081 جنيه شهرياً
------------ --------- --------- --------- --

أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنية بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شرالمرض

إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه.

وبالمناسبة .. عيد الام ربنا يخليها ويديها الصحة .. كل سنة وهى طيبة

عيد الكحك ..! مضر ومالهوش لازمة

عيد اللحمة ..مضر ومالهوش لازمة

حلاوة المولد .. السكر مضر و مالوش برضه لازمة .. ولو على الحلويات رمضان كريم وخيره كتير

أخ خ خ نسيت احسب زكاة الفطر بس مش عارف هادفعها ولا هاخدها ؟

عموما هاقولكم على قائمة الممنوعات والمحظورات .. متقربوش منها علشان تعرفوا وتكملو الشهر

ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا )
ممنوع .. المعلبات .. تونه - بلوبيف - لانشون - سالمون – فول - وطبعا البسطرمة والزيتون والمخللات

أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى! الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

ممنوع اللحوم بانواعها.. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكا ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك مامعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .

خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها.. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة ماتروحش لدكتور ومتجبش مدرس ولا ادوية وإياك من المع جنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من الفواكهة خالص زى البرقوق والمانجووالبطيخ والفراوله والكيوى والخوخ والعنب والتفاح حتى الكاكا والحرنكش والنبأ والقصب والدوم والتوت ممنوع سيادتك

وطبعا معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن .. وإن الواقع زى ماهما شايفيينه دلوقتى .

حتى الإعلانات حاولوا تفهموهم إنها مجرد

ألوان مبهرة وتكنولوجيا فى علم التصوير وتخيلات .. ممكن تحصل بعدين فى يوم ما .. زى ماحصل فى امريكا وكندا وفرنسا والمانيا واوروبا كلها .. وان الحاجات دى علشان لما الناس دى ييجوا عندنا يلاقوا منها ويعرفوا يعيشوا .. وإن الحاجات دى مش لينا .. دى ليهم هما ..

عموماً لو على الكلام .. الكلام مش ها يخلص .. روح بقى الحق طابور العيش لايفوتك .. تبقى مصيبة لو انا اللى عطلتك ورحت لقيت الفرن شطب .. وتقعد طول اليوم تدعى عليا .. واحنا مش ناقصين دعوات .. اللى فينا مكفينا
الرجوع الى أعلى الصفحة اذهب الى الأسفل
الطائره الجريحه

الطائره الجريحه


عدد المساهمات : 54
السٌّمعَة : 27
تاريخ التسجيل : 31/10/2009
العمر : 31

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأحد نوفمبر 01, 2009 7:24 pm

الصراحه انتي مقولتيش حاجه غلط معاكي حق والله وربنا يستر الايام الجايه كمان متشكره علي موضوعك عاشقة بلاد الذهب
الرجوع الى أعلى الصفحة اذهب الى الأسفل
عاشقة بلاد الدهب

عاشقة بلاد الدهب


عدد المساهمات : 66
السٌّمعَة : 26
تاريخ التسجيل : 31/10/2009

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأحد نوفمبر 01, 2009 7:31 pm

شكرا لمرورك الطيب
الرجوع الى أعلى الصفحة اذهب الى الأسفل
elghazaly
فخامة الريس
فخامة الريس
elghazaly


عدد المساهمات : 746
السٌّمعَة : 25
تاريخ التسجيل : 08/09/2009
الموقع : https://awrakmisria.hooxs.com

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالإثنين نوفمبر 02, 2009 1:52 am

بصراحه الموضوع داه محتاج لجنه اقتصاديه علشان توصل لحل
على فكره اللجنه فشلت فى الحل
الرجوع الى أعلى الصفحة اذهب الى الأسفل
https://awrakmisria.hooxs.com
عاشقة بلاد الدهب

عاشقة بلاد الدهب


عدد المساهمات : 66
السٌّمعَة : 26
تاريخ التسجيل : 31/10/2009

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالإثنين نوفمبر 02, 2009 3:15 pm

شكرا لمرورك االطيب
الرجوع الى أعلى الصفحة اذهب الى الأسفل
elghazaly
فخامة الريس
فخامة الريس
elghazaly


عدد المساهمات : 746
السٌّمعَة : 25
تاريخ التسجيل : 08/09/2009
الموقع : https://awrakmisria.hooxs.com

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأربعاء نوفمبر 04, 2009 3:45 am

رائع نشاط وحيوية
الى المزيد ان شاء الله
الرجوع الى أعلى الصفحة اذهب الى الأسفل
https://awrakmisria.hooxs.com
kingmasr_2

kingmasr_2


عدد المساهمات : 22
السٌّمعَة : 6
تاريخ التسجيل : 09/10/2009
العمر : 30
الموقع : www.kingmasr.mam9.com

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأربعاء نوفمبر 04, 2009 8:51 am

الــــف شـــكـــر عـــلــى الــمــوضــوع ده بـــجـــد مـــوضــوع جــيـــد ولازم الــحـــكومـــه تـــاخــد بالــهــأ مــن الــشعــب شــويــه فى نــأس غــلبانـه كــتــيـر بــس كــداهـيـخدونــأ امــن دولــه ههههههههههههههههههههههههههههه



بــجــد <<
الرجوع الى أعلى الصفحة اذهب الى الأسفل
عاشقة بلاد الدهب

عاشقة بلاد الدهب


عدد المساهمات : 66
السٌّمعَة : 26
تاريخ التسجيل : 31/10/2009

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأربعاء نوفمبر 04, 2009 12:59 pm

شكرا لتواجدك فى موضوعى
الرجوع الى أعلى الصفحة اذهب الى الأسفل
ا




عدد المساهمات : 9
السٌّمعَة : 28
تاريخ التسجيل : 04/11/2009
الموقع : ا

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأربعاء نوفمبر 04, 2009 9:21 pm

شكرا على موضوعك الجميل ..بس يارب منتحبس Crying or Very sad
الرجوع الى أعلى الصفحة اذهب الى الأسفل
عاشقة بلاد الدهب

عاشقة بلاد الدهب


عدد المساهمات : 66
السٌّمعَة : 26
تاريخ التسجيل : 31/10/2009

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالخميس نوفمبر 05, 2009 7:51 am

هههههههههههههههههههههههههههه لا متخفش مش هنتحبس وشكرا ليك
الرجوع الى أعلى الصفحة اذهب الى الأسفل
عاشقة القمر

عاشقة القمر


عدد المساهمات : 282
السٌّمعَة : 21
تاريخ التسجيل : 13/09/2009
العمر : 31
الموقع : http://lovely4ever.yoo7.com/

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالسبت نوفمبر 07, 2009 8:09 pm

وفيه ناس بتحب تاخد أى حاجه مع إنها مش محتاجه على رأى خالد عجاج تعرف تعيش فيها بألف جنيه ؟؟؟؟؟؟؟؟؟ Smile، لكن ..
قال الدكتور عبدالعظيم بدوى حفظه الله ، الموظف لو كان راتبه 200 جنيه أو فى الحدود دى تحق له الزكاه باعتباره من الفقراء

عادى .. أصل مش لازم الفقير يكون نجار أو فلاح أو حداد ، الموظف ممكن يكون بيلبس قميص وبنطلون وفقير برده ، الله المستعان ..
ونرجع لنفس النقطة لو كان هناك نظام عادل وأخذت أموال الزكاة وصرفت على الفقراء كما أمر الله لما وجد أصلا فقراء ..وده عيب دوله لو فى نظام عادل كانت الناس ارتاحة اشكرك عاشقه على هذا الطرح
الرجوع الى أعلى الصفحة اذهب الى الأسفل
http://lovely4ever.yoo7.com/
elghazaly
فخامة الريس
فخامة الريس
elghazaly


عدد المساهمات : 746
السٌّمعَة : 25
تاريخ التسجيل : 08/09/2009
الموقع : https://awrakmisria.hooxs.com

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالإثنين نوفمبر 09, 2009 3:07 am

جزاك الله كل خير
موضوع متميز

والله انا فرحان ان الجيل داه فاهم مشاكله
الرجوع الى أعلى الصفحة اذهب الى الأسفل
https://awrakmisria.hooxs.com
thescorpion

thescorpion


عدد المساهمات : 109
السٌّمعَة : 28
تاريخ التسجيل : 18/11/2009
العمر : 29

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالسبت نوفمبر 21, 2009 10:31 pm

الف جنيه ههههههههههههههههههههههههههههههههههههههههههههه
فى الحقيقة الف جنيه يدوب تكفى شاب عازب و كمان لو مشى على الجدول بتاعك
لكن الف جنيه لاسرة معتقدش لانك يا عاشقة نسيتى اهم حاجة بتشفط الفلوس من الاسر وهى
الدر
وس الخصوصية
الدروس دى محتاجة مرتب لوحده يعنى كده الحسبة بتاعتك باظت
هههههههههههههههههههههههههههههههههههههههههههههههههههههههههه
ممكن تحاولى تعيدى الحسبة و ابقى قوليلنا المتوسط بتاع الشهر كام ؟
انا عن نفسى عارف المتوسط ممكن يبقى كام.
و شكرااااااااااااااااااااااااااااا على الموضوع الممتاز ده
الرجوع الى أعلى الصفحة اذهب الى الأسفل
elghazaly
فخامة الريس
فخامة الريس
elghazaly


عدد المساهمات : 746
السٌّمعَة : 25
تاريخ التسجيل : 08/09/2009
الموقع : https://awrakmisria.hooxs.com

تعرف تعيش فيها بألف جنيه ؟؟؟؟؟؟؟؟؟ Empty
مُساهمةموضوع: رد: تعرف تعيش فيها بألف جنيه ؟؟؟؟؟؟؟؟؟   تعرف تعيش فيها بألف جنيه ؟؟؟؟؟؟؟؟؟ I_icon_minitimeالأحد نوفمبر 22, 2009 4:40 am

رائع نشاط وحيوية
الى المزيد ان شاء الله
الرجوع الى أعلى الصفحة اذهب الى الأسفل
https://awrakmisria.hooxs.com
 
تعرف تعيش فيها بألف جنيه ؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اوراق مصرية :: المنتدى العام :: المواضيع العامة-
انتقل الى: